14, జులై 2013, ఆదివారం

చేరువ కావు...దూరం కావు....!!

వికసిత విలసిత వదనమో
విరాజిల్లే విరుల అందమో
మదిని  దోచే మందస్మిత స్నిగ్ధ ముగ్ధత్వమో
కమ్మని కోమల మృదు మధుర స్వరమో
ఎక్కడో సుదూర తీరాలలో ఉందేమో
ఏ జన్మ బంధమో ఏనాటి అనుబంధమో
ఏ ఆవలి తీరంలోనో ఎక్కడో ఎప్పుడో
బతుకు పయనంలో నాకు చేరువవుతుందేమో...!!

ఎడారిలో ఎండమావులే ఒయాసిస్సులని భ్రమలో
చేరువనున్న మలయ సమీరాలను కాలదన్ని
అందని ఆకాశం కోసం అర్రులుచాచే
ఆశల గుంపుల విహంగాల రెక్కల రొదలో
నిను చేరాలని తపనపడే మనసు చేసిన
సన్నని మువ్వల సవ్వడి వినిపించలేదేమో....!!

మనసు పరచి మమత పంచిన మౌన తరంగం
అలుపెరగని అడ్డు పడని ఉత్తుంగ తరంగం
చేరువై నిను చేరాలని తపన పడే తాపత్రయం
కఠిన శిలవో కరకు రాతిగుండెవో తెలియని అయోమయంలో
చేరువ కాని దూరం కాని నీ జ్ఞాపకాల గురుతులలో
మంచుపూల స్వప్నమో మలయమారుతమో
స్పర్శించిన అనుభూతిలో నీ చుట్టూ అల్లుకున్న
ఆశల సౌధాల నడుమ నీ కోసమే నేస్తమా....!!

2 మీరేమనుకుంటున్నారో.....చెప్పేయండి:

చెప్పాలంటే...... చెప్పారు...

నచ్చినందుకు ధన్యవాదాలు ఆలీ గారు

చెప్పాలంటే...... చెప్పారు...
ఈ వ్యాఖ్యను రచయిత తీసివేశారు.
Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner