![](https://blogger.googleusercontent.com/img/b/R29vZ2xl/AVvXsEgC7l_JDDVxEpm-rVvTN03CBlLY1WBVNpFiS6KOF3SXpcwE8t6RnWMyw-5etV1hLDIF5mtIaoFuP005mR9WAMlmX6LtbWXJCgAQGdhGDVJi67XbgcrsJOn6HEqBpcwsK3Ofnxrr_ccAJKI/s200/bvhffj.jpg)
చిరునవ్వు అందనంత దూరంలో
ఆకాశంలో చుక్కల్లో చేరి చూస్తోంది.....
మురిపించే మువ్వల సవ్వడి
వినిపించినా మనసుకు అందడం లేదు....
రుధిరాన్ని వర్షించే కన్నీటి మేఘాలు
కమ్ముకున్న మనసు మౌనంగా రోదిస్తోంది....
ఎదలోని వెతలు కతలుగా కలసి
అందమైన అక్షరాల్లో అలసి జారిపోతున్నాయి....
చిమ్మ చీకటిలో మిణుగురుల వెలుగులో
ఎక్కడో దూరంగా ఓ వెలుగు రేఖ సూఛాయగా...
మాయమైన ఆనవాలు మబ్బుల మాటుగా
తొంగి చూస్తోందేమోనని పలకరింపుల పరిచయం....
వెంట పడే నీడలో కనిపించే క్రీనీడ
వదలకుండా వెన్నాడే జ్ఞాపకాల రణగొణ సోద....
ఎక్కడో మాటుగా వెన్నెల చాటుగా
పదిలంగా దాగిన నీ గురుతుల జ్ఞాపిక.....
మలయమారుతమై వాసంత సమీరమై
నను చుట్టిన అందాల హరివిల్లు ఈ జన్మకి....!!
2 మీరేమనుకుంటున్నారో.....చెప్పేయండి:
Soo nice. I am keeping in my collection.
Thank u so much for you'r support
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి