25, సెప్టెంబర్ 2018, మంగళవారం

కలల లేమి..!!

కలలేమి రాకపోయినా
తెల్లారిపోతూనే ఉంటుంది
మరో రోజుగా మారిపోతూ

ఆత్మకు శరీరానికి అవసరమైన
అనుసంధాన వేళప్పుడు
ఏకాంతానికి స్వాగతం పలుకుతూ

ముహూర్తాలు కుదరలేదన్నా
ముద్దుముచ్చట్లు తీరలేదన్నా
ఎవరి కోసమూ కాలమాగనంటుంది 

అస్పష్టపు నీడలకు కప్పిన
ముసుగు తెరలను తొలగించాలని
వాస్తవాన్ని ఆదేశిస్తూంటే

వెలుతురు పొద్దు సెగకు తాళలేక
వెన్నెల చల్లదనానికై చూస్తూ
కలల లేమి భర్తీకై మాపటిని అర్థిస్తుంటుంది...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner