గుంభనంగా...!!

సముద్రాన్ని చూడు
ఎంత గుంభనంగా ఉంటుందో
లోలోపల ఎన్ని బడబానలాలున్నా
పైకి ప్రశాంతంగా కనిపిస్తూ

చూస్తూనే ఉన్నావుగా  

చీకటంతా నా చుట్టమైనా 

వెలుగుల కోసం వేగిరపడని 

నిశ్శబ్ద నిరీక్షణ నాదని 

నీకు తెలుసు కదా

కాలమాడుతున్న దోబూచులాటలో

మనసుకు దేహానికి కుదరని సమతూకం

మారణాయుధమై వెన్నంటే ఉందని

క్షణాల ఆశల ఆరాటానికి

యుగాల ఎదురుచూపుల  

ఏకాంతాల సహవాసానికి నడుమన 

నిలిచినదీ జీవితమని గమనించు..!!