25, అక్టోబర్ 2018, గురువారం

నిజం చేయాలనుంది...!!

కదిలిపోతున్న క్షణాలను
గుప్పిట ఒడిసిపట్టాలన్న
ఉబలాటం ఎక్కువవుతోంది

గాయాలను మర్చిపోవాలనుకుంటూ
జ్ఞాపకాలను మిగుల్చుకోవాలన్న
ఆరాటం పెరుగుతోంది

అంగడి సరుకులుగా మారిన
అనుబంధపు వ్యాపారాన్ని
అడ్డుకోవాలనుంది

అనాదిగా వస్తున్న
దాయాదుల దాష్టీకాన్ని
ఎదుర్కోవాలనుంది

సహనం అసహనమైతే
పర్యవసానమెలా ఉంటుందో
చూపాలనుంది

అక్షరాలకు ఆటవిడుపునిస్తే
భావాలకెలా ఆయువు పోస్తాయెా
చూడాలనున్న కలను నిజం చేయాలనుంది...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner