మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
కదిలిపోతున్న క్షణాలను
గుప్పిట ఒడిసిపట్టాలన్న
ఉబలాటం ఎక్కువవుతోంది
గాయాలను మర్చిపోవాలనుకుంటూ
జ్ఞాపకాలను మిగుల్చుకోవాలన్న
ఆరాటం పెరుగుతోంది
అంగడి సరుకులుగా మారిన
అనుబంధపు వ్యాపారాన్ని
అడ్డుకోవాలనుంది
అనాదిగా వస్తున్న
దాయాదుల దాష్టీకాన్ని
ఎదుర్కోవాలనుంది
సహనం అసహనమైతే
పర్యవసానమెలా ఉంటుందో
చూపాలనుంది
అక్షరాలకు ఆటవిడుపునిస్తే
భావాలకెలా ఆయువు పోస్తాయెా
చూడాలనున్న కలను నిజం చేయాలనుంది...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి