5, జూన్ 2013, బుధవారం

నీలో నువ్వే నవ్వుకుంటున్నావా....!!

మమకారమే మాయ చేసిందో....
అభిమానమే అడ్డు పడిందో.... 
గాయమైన గుప్పెడు గుండె గూటిలో
కొట్టుమిట్టాడుతున్న నా ప్రాణం
తట్టుకోలేక పోతోంది...!!

నీ చుట్టు....పెనవేసుకుని
పెంచుకున్న పాశం తుంచుకోలేక....!!
దూరమై పోదామంటే
వదలలేని బంధమై పోయావు...!!
వదలి పోదామంటే
ఎక్కడికి వదలి వెళ్ళలేని
బాధ్యతగా నా ముందున్నావు....!!

విధాత రాసిన రాతని చూస్తూ....
విధి ఆడే వింత(వీధి) నాటకాన్ని
వినోదంగా చూస్తూ....
నా నిస్సహాయతను చూసి 
నీలో నువ్వే నవ్వుకుంటున్నావా....!!

ఏడిపిస్తూ....అంతలోనే నవ్విస్తూ... 
కవ్విస్తూ....కనుసన్నలలోనే మురిపిస్తూ
విషాదమై విలయాన్ని సృస్టిస్తావు
మమేకమై మధుర జ్ఞాపకంగాను నిలిచిపోతావు
అన్ని అనుబంధాలకు నెలవైన ఓ ప్రేమా....!!
అందుకేనేమో నువ్వంటే అంత ప్రేమ అందరికీ....!!

4 మీరేమనుకుంటున్నారో.....చెప్పేయండి:

Sharma చెప్పారు...

బాగుంది . చిత్రం , కొటేషన్ చాలా బాగున్నాయి .

చెప్పాలంటే...... చెప్పారు...

ధన్యవాదాలు శర్మ గారు

అజ్ఞాత చెప్పారు...

బాగా రాసారండీ.

చెప్పాలంటే...... చెప్పారు...

ధన్యవాదాలు అను గారు

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner