4, సెప్టెంబర్ 2018, మంగళవారం

పయనం...!!

పాత్రధారులుగా ప్రవేశించి
పాదచారులమై పయనిస్తున్నాం

గమనానికి దిశలను వెదుకుతూ
గమ్యానికై పరుగులు తీస్తున్నాం

పదబంధాలతో పలుకులు నేరుస్తూ
పలకరింపుల ప్రహసనాల్లో తేలియాడుతున్నాం

గతుకుల రహదారుల్లో పడిలేస్తూ
గాయాలకు లేపనాలద్దేద్దామని ఆరాటపడిపోతున్నాం

పోరాడాలని తపన పడుతూనే
గెలుపు దరిని చేరాలని ఉవ్విళ్ళూరుతున్నాం

జీవితానికి అర్ధాన్ని వెదుకుతూ
కాలంతో జత కలిపి కడ వరకు సాగిపోతూనే ఉన్నాం...!!

1 మీరేమనుకుంటున్నారో.....చెప్పేయండి:

Rajyalaxmi Thallapelly చెప్పారు...

చాలా బాగుందండి..

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner