మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
పాత్రధారులుగా ప్రవేశించి
పాదచారులమై పయనిస్తున్నాం
గమనానికి దిశలను వెదుకుతూ
గమ్యానికై పరుగులు తీస్తున్నాం
పదబంధాలతో పలుకులు నేరుస్తూ
పలకరింపుల ప్రహసనాల్లో తేలియాడుతున్నాం
గతుకుల రహదారుల్లో పడిలేస్తూ
గాయాలకు లేపనాలద్దేద్దామని ఆరాటపడిపోతున్నాం
పోరాడాలని తపన పడుతూనే
గెలుపు దరిని చేరాలని ఉవ్విళ్ళూరుతున్నాం
జీవితానికి అర్ధాన్ని వెదుకుతూ
కాలంతో జత కలిపి కడ వరకు సాగిపోతూనే ఉన్నాం...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
1 మీరేమనుకుంటున్నారో.....చెప్పేయండి:
చాలా బాగుందండి..
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి