ఈ నాటి పల్లె దుస్థితి

పల్లె ఏడుస్తోంది…..

దూరమౌతున్న అనుబంధాలను దూరం చేసుకోలేక….

బతకడానికి వలసలు పోతున్న కుటుంబాలను ఆపలేక…

మసకబారుతున్న మానవత్వపు విలువలు చూడలేక…

ఓట్ల కోసం వచ్చి వాగ్థానాల వర్షాన్ని కురిపించే

రాజకీయ నాయకుల రాక్షస నీతిని చూడలేక..

పాడి పంటలతో..పచ్చని పైరులతో…అష్టైశ్వర్యాలతో కళ కళలాడిన పల్లెలు ఒకప్పుడు.....
మరి ఇప్పుడు ......

ఎప్పుడు పడుతుందో తెలియని వానదేముని చల్లని చూపు కోసం…

ఏ ప్రళయం ఎటువైపు నుంచి ముంచుకొస్తుందో తెలియక

పండిన పంటకు కనీసం గిట్టుబాటు లేక

పంట పండించాలో లేదో తెలియని

అయోమయ స్థితిలో వున్న ఈ నాటి పల్లె రైతుని చూసి

గుండే చెరువైయ్యేలా పొగిలి పొగిలి ఏడుస్తోంది…ఈనాడు.....

ఆనాటి బంగారు పంటల పసిడి పల్లె