చక్రం....!!

ఎవరి కోసం ఆగని కాలచక్రంలో
ఎన్నెన్ని మలుపులో....!!

ముడుల సుడిగుండాలో...!!
కాలచక్రం లో జీవిత చక్రం పరిభ్రమణం..!!
జీవితచక్ర గమనంలో....
కాలంతో పరుగెట్టలేక అలసి సొలసిన జీవితాలు కొన్ని...
కష్టాల కడలి లో గెలుపు తలుపు తడితే
మరొకరికి ఉత్తేజాన్నిచ్చే స్పూర్తి ప్రదాతలు కొందరు....
భాష లేని మాట లేని మనసుల అలజడుల
మౌనగీతాలెన్నో....మనసురాగాలెన్నో..!!
అక్షరాల అష్టపదులెన్నో...!! అనురాగాల అనుబంధాలెన్నో...!!
మమతల ముడులెన్నెన్నో...!!
కష్టాల కడలిలో ఆనందాల అలలెన్నో..!!
కనురెప్పపాటు ఈ జీవితచక్రం లో
కోప తాపాలు ఆనంద విషాదాలు
ఏది శాశ్వతం కాని కాలచక్రంలో....
మరుపే మారని ఔషదం....!!