2, ఏప్రిల్ 2013, మంగళవారం

సజీవ చిత్రం....!!

నా ఊహల్లో  నా ఊసుల్లో
ఎప్పుడో....ఎక్కడో...ఎలానో...
నువ్వు చేరావు....పొమ్మంటే పోవు...!!

చిన్ననాటి చిలిపి ఆశ
ఎప్పటికైనా నిజమనిపించే....
నిజం కాని నా స్వప్నం....!!

పరిణితి లేని పరిమళ భరితం
ఆనాటి నా అంతరంగం
నీతోనే నా సహవాసం...!!

ఎవరికీ చెప్పక పోయినా
నీకంటూ తెలియక పోయినా 
నీతో చుట్టుకుపోయిన అనుబంధం....!!

నీకు తెలియక పోయినా
నాకు ఎంతో బావుంది
నీతోనే పంచుకున్న నా మనసు....!!

ఎప్పటికి దరి చేరని నువ్వు
నను విడి పోని నీ ఊసులు
ఎప్పటికి సజీవ చిత్రమే నా నువ్వు....!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner