నీకేమైంది....?? అందరితో మాట్లాడతావు నాతో మాత్రం మాటలుండవు? నా మీద కోపమా...!! లేక అలుకా....!! కనీసం అదీ చెప్పవు....!! పోనీ మాటలు రావా అంటే ప్రవాహపు వెల్లువలా అలా వినవస్తూనే ఉంటాయి....నా దగ్గరకొచ్చేసరికే మౌనాన్ని ఆశ్రయిస్తావు ఎందుకోమరి...!! పోనీ నువ్వు నాకు...నేను నీకు కొత్తా...!! అంటే అదీ కాదు పాత పరిచయమే..!! సరే పోనీ దూరమేమో అంటే అదీ కాదాయే...!! నీకు తెలియని నేను కాదు నాకు తెలిసిన నువ్వేనాయే....!! మరి ఈ దాగుడు మూతలు ఎందుకోయ్....!!
నీలోనే చెప్పలేని ప్రేమని దాచుకున్నా...చూపించడం ఎందుకులే అనుకుంటున్నావా...!! దూరంగా ఉంటే ఎప్పటికి దూరం దూరమే....!! కాస్త దగ్గరగా వచ్చి చూడు ఎంత బావుంటుందో నీకే తెలుస్తుంది...!! అయినా అన్ని తెలిసిన నీకు నేను ఇలా చెప్పడం ఎవరో అన్నట్టు తాతకు దగ్గులు నేర్పడంలా ఉంది కదా...!! మరి ఇంక నీకెలా చెప్పాలి...!! కొందరికి పంచుకోవడం రాదు...మరి కొందరికి వ్యక్తీకరించడం రాదు...ఇంకొందరికేమో తీసుకోవడం రాదు....!! నీకేమో రెండూ రావనుకుంటా...!!
నీకు భయం నువ్వు ఏంటో తెలిసి పోతావేమో అని....!! అయినా ఇప్పుడు కొత్తగా తెలియడానికేం ఉంది నీలో....!! నువ్వేంటో నాకు తెలుసు కదా....!! నీకే తెలియదు నువ్వేంటో....!! ఇక నేను నీకెలా తెలుస్తాను...!! నువ్వు నీకు తెలిస్తే నేను నీకు తెలిసినట్లే...!! అది ఎప్పుడో మరి...!!
4 మీరేమనుకుంటున్నారో.....చెప్పేయండి:
nice...:-)
Sweet! Baagundi manju gaaru
నీకే తెలియదు నువ్వేంటో....!! ఇక నేను నీకెలా తెలుస్తాను...!!
చక్కగా చెప్పారు .
నచ్చినందుకు + మెచ్చినందుకు ధన్యవాదాలు ప్రేమ్ గారు, వెన్నెల, శర్మ గారు
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి