మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
జీవితాన్ని ఇష్టపడిన నేను
నిన్ను అంతే ఇష్టపడుతున్నా
పక్కనే ఉంటూ పలకరిస్తావు
పర్లేదు రమ్మంటే పారిపోతున్నావు
అలసిన మదికి సాంత్వనగా
అక్కున చేర్చుకోవాలన్న ఆరాటం నీది
విడివడని అనుబంధాల నడుమ
విడవలేని అగచాట్లు నావి
జ్ఞాపకాల తాయిలాలు ఊరిస్తూ
గతమూ ఘనమైనదని వాపోతున్నాయి
నువ్వు చేరువౌతున్నావంటే వాపోయే
కన్నీటి పలకరింపుల పలవరితలు
రెప్పలార్పే క్షణాల రెక్కల కవచం
ఆపలేని ఆయువు కేరింతల్లో చిన్నబోతోంది...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి