మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
ఏ రాతిరి పొద్దులోనో
ఉలిక్కి పడిన మనసు
ధైర్యాన్ని కూడగట్టుకుంటోంది
గతాన్ని కాదనలేని స్థితిలో
వాస్తవాన్ని భరించే శక్తిని కోల్పోయి
భవిత లేని బతుకుగా మిగిలిపోతోంది
అంతరంగపు ఆలోచనలను ఆపలేక
ప్రశ్నలుగా సంధించాలని ప్రయత్నిస్తున్న
కలవరాలను కట్టడి చేయలేక పోతోంది
వెలుగుల నిదురలో
చీకటి మెలకువను వెదకలేక
వేసారిన ఊపిరితో ఊరడిల్లుతోంది
తన ఆశల సౌధాలను అందిపుచ్చుకోవడానిక్
కూలిన కట్టడాల్లో, కాలిన జీవితాల్లో
రాలిన స్వప్నాలను ఏరుకుంటుంటోంది..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి