![](https://blogger.googleusercontent.com/img/b/R29vZ2xl/AVvXsEgAE5UxiO4rlVVpoEjha8HsjaFijxBEAzT6bTi9UVDZZNRPHpzjSa9HIkD5JhDROlIRIeTkfbvV4tZwC2KFtYN-KSO8BO54yc6jy3VTxj8ZKyJw52jFo9CkWBDM39RFy13NVHYOAt6WyUg/s1600/hhhkhkh.jpg)
అలల కలలు అస్తవ్యస్తంగా చేసిన మదిలో
మాటల ప్రవాహాన్ని అడ్డుకున్న గరళాన్ని
దాచిన చిరునవ్వు చాటుగా చూస్తోంది
దాగిన కన్నీటి సంద్రాన్ని చూపకుండా
ఆపగలిగిన ఆ మౌనాన్ని ఎలా చూపాలి...!!
తెలియని స్వరాల సమ్మేళనం గమ్మత్తుగా
మత్తుగా మాయ చేసినా చీకటి చాటున
చిరు వెన్నెల అందం తెలిసిన జీవితపు
గమ్యం చేరాలని ఆరాటం పోరాటం ఆటలో
ఓడిపోయిన హృదయం అలసి సొలసి
ఆగిపోతే అలానే ఉండిపోతే తెలియని
ఆ అలౌకిక అనుభూతిలో మమేకమై
అదే తన ప్రపంచమని భ్రమలో బతికేస్తున్న
మరణ శయ్యపై కూడా మమతల
మాధుర్యాన్ని చవి చూస్తున్న
ఆ అద్భుతం ఎలా ఉంది....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి