![](https://blogger.googleusercontent.com/img/b/R29vZ2xl/AVvXsEhmu_hJmp6V-ukDDTlzfnfyKNn4lVzfGKXgrK2mtGWnPhYD77ddHQJ_JpjaF6URju7NsYz2xeAKEy4fw-ZeR0hblCKcAkx1exthj6cgKDDj-rWuavY0mKlrVuXf2f6Enn9cuvyf8AO7B8s/s1600/q12131.jpg)
వెలుగుపూలు అక్కడక్కడా
మిణుక్కుమంటూ
అణగారిన ఆశలను తట్టి లేపుతూ
గుట్టలు గుట్టలుగా చేరిన
బాదరబందీల బందిఖానాలో
జమ చేసిన గతపు ఘట్టాలలో
అక్కడక్కడా తచ్చాడే
జ్ఞాపకాలు వెన్నాడుతూ
ఓటమి అంచులను తాకిన
బతుకు పుస్తకానికి ఓదార్పునిస్తూ
పతనమై పోతున్న విలువలు
పరకాయ ప్రవేశంలో పరిణితిని
సాధిస్తున్న మానవ సంబంధాల
వెంపర్లాటల వాస్తవ కథనాల
పరిధుల నిర్వచనాల దృక్పధాలు
మార్చడానికి ప్రయాస పడుతూ
అనుబంధాల కోసం పాకులాడుతూ
సాగుతున్న ఎన్నో ఒంటరి అడుగులకు
ఓదార్పు ఎక్కడ...!!
2 మీరేమనుకుంటున్నారో.....చెప్పేయండి:
nice undi
Thank u andi
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి