24, ఏప్రిల్ 2018, మంగళవారం

వెలి వేయడమే సబబేమో...!!


నా కవితను ప్రచురించిన గోదావరి యాజమాన్యానికి, కత్తిమండ ప్రతాప్ గారికి నా మనఃపూర్వక ధన్యవాదాలు....

వయసుడిగిన వారసత్వపు
వార్ధక్యం వెన్నంటి వచ్చేసినా
కాలం చేసిన కనికట్టులో
నూరేళ్ళ జీవితానికి
కలిపిన తోడును దూరం చేసినా
మిగిలిన అనుబంధాల
ఆంటీ ముట్టని ఆప్యాయతల్లో
కనపడని అభిమానం తల్చుకుంటూ
విస్తుపోతున్న మనసు సంఘర్షణల నడుమ
అందరిని అక్కున చేర్చుకున్న
ఆ చేతులకు చేదోడు కాలేని
రక్త సంబంధాలు సిగ్గుపడక
చేసే పూజలకు చెప్పే నీతులకు
కనీస న్యాయం చేయలేని
మరుగున పడిన మానవత్వపు
మకిలి పట్టిన మురికి మనుష్యులను
వెలి వేయడమే సబబేమో...!!  

1 మీరేమనుకుంటున్నారో.....చెప్పేయండి:

SURYAA చెప్పారు...

dear sir very blog and very good content
Tollywood Cinema News

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner