మరో మనీషి...!!

బంధానికి విలువిస్తావని
బాధ్యతలను పంచుకుంటావని
నమ్మిన నాటి నమ్మకం
నడిచింది నీతో జతగా
అయినవారిని కాదని
మాటల చాటున మాయను
అంతరంగపు అడ్డగోలుతనంతో
అహం చిమ్మిన క్రోధానికి
అమ్మతనం ఆక్రోశిస్తూ
బిడ్డలకై బానిసగా మారి
బతుకు భారాన్ని మెాస్తుంటే
అడుగడుగునా ఛీత్కారాలను
ఆభరణమైన చిరునవ్వులో దాచేస్తూ
నడి బజారులో నవ్వులపాలైనా
కన్నీటికి తావీయక
కలలను కలతలతో కలిపేస్తూ
ఆశగా భవితకై ఎదురు చూస్తోంది
మరో మనసు చచ్చిన మనీషి....!!