అందని తీరాలలో....!!

అనుక్షణం కాలం పరుగెత్తి పోతూనే వుంది
నేను మాత్రం నువ్వు వదలి వెళ్ళిన చోటే ఉన్నాను....ఇప్పటికీ....
అందుకే నువ్వు నాతొ లేవు అన్న నిజం కుడా....
నాకు తెలియనంతగా నీతో మమేకమైన నేను....
నేనుగా లేక నువ్వు గానే మిగిలాను...
నీ జ్ఞాపకాలే ఊపిరిగా....నీ తలపులే ప్రాణవాయువులుగా...
నిరంతరం నను వెంటాడే నాలోని నువ్వే... నా శ్వాస!
నీతో వున్న ప్రతిక్షణమూ...పదిలమే నాకు....!!
దూరంగా ఉన్నా...చేరువుగా ఉన్నా... నా దగ్గరే నువ్వు.!!
కాని నువ్వు మాత్రం నాకు ఎప్పటికీ అందనంత దూరమే!!
భలే విచిత్రం కదూ...!!