![](https://blogger.googleusercontent.com/img/b/R29vZ2xl/AVvXsEgTnELglL7fTwpBMvG3ixEBXyf37ZlRf2K5wYodHvq8Wx0cpUGpqbvDnswLQGUOCgLbketlJpUb6WNdRkjy6uS5gJbTcwOrYqdfo7mubbGwch7TyHFP-ooQjxGJPKrToGeD9JMWYUvIoz8/s1600/dfgsdfsdfjs.jpg)
కలలకు ఉబలాటం నిను చూడాలని
కనులకు నయనానందం నీ దర్శనం
ఎగసిపడే అలల తాకిడికి మనసు చేసే
మమతల సందడి నిను చూసిన తరుణాన
స్వచ్చమైన తీరపు తిమిరాన్ని నా మది
అంతరగంగా నీకు చూపాలని తపనపడే
ఉవ్వెత్తున ఎగసిపడే తరంగాల తాకిడే తీరపు ఒడ్డున
ఈ కల్లోల సంద్రాన్ని కాస్త లోపలికి చూడరాదు....
ప్రశాంతంగా హాయిగా కనిపించాలని ప్రయత్నిస్తూ
అప్పుడప్పుడు ఉప్పెనలా తన్నుకు వచ్చే ఆవేశాన్ని
అధిగమించాలని పడి లేచే అలల పోరాటాన్ని అనుసరిస్తూ
జీవిత తీరపు ఒడ్డుని స్వచ్చంగా ఉంచాలని
సాగర సంగమపు కలయికను అందంగా చూపాలని
అస్తమించే భానుని వదులుతూ చంద్రోదయపు
వెన్నెలలో పరవశిస్తూ ఆర్తిగా ఆదరించే
నీ పిలుపు వినిపించే తరుణం కోసం
రేయి పగలు ఎదురుచూసే ఈ పిచ్చి
అనుబంధం నీకు ఈ జన్మకు అర్ధం కాదేమో....!!
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి