ఎక్కడో పగిలిన అద్దం శబ్దంలోభళ్ళున తెల్లారిన జీవితచక్రంలో
మరో ఉషోదయపు వేకువ తొంగి చూస్తూ
అన్యాక్రాంతమౌతున్న బిరుదుల
పంపిణీల ఆక్రందనల్లో వినిపిస్తున్న
కోయిల స్వరాల కంఠధ్వని కీచుగా
రాలిన మామిడి పిందెల ముక్కల్లో
దొరకని వేపపూతను వెదుకుతూ
కన్నెర్ర చేసిన ప్రకృతికి తలను వంచుతూ
వేదికలపై వినిపించే హోరులో
నలిగిపోతున్న సహజత్వపు కవిత్వం
మూగబోయి మిగిలింది దిగాలుగా
రెపలాడుతున్న కొత్త శాలువాలు
అమ్ముడుబోయిన అధికారానికి తలొగ్గి
ఊరడింపులు మరో ఉగాది కోసం ఎదురుచూస్తూ...!!
