మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
1.జ్ఞాపకాలను ఆశ్రయించటమే
మదిని తడిమే మౌనాన్ని లిఖించడానికి...!!
2. అక్షరమెప్పుడూ వేగుచుక్కే
నిశీధికి వెలుగద్దుతూ...!!
3. కాలానికెంత తొందరో
ఓ క్షణమైనా విశ్రాంతి తీసుకోదు....!!
4. మనసెప్పుడూ నీతోనే
నువ్వున్నా లేకున్నా ....!!
5. మౌనం మాటలు నేర్చింది
నీ స్నేహంలో సేదదీరాక....!!
6. అక్షరాలు అలికిడి చేస్తున్నాయి
నీ మౌనానికి ముచ్చటపడి....!!
7. ప్రణయమే ఓ ప్రబంధమైంది
నిన్ను నాలో చదివేస్తూ ...!!
8. మాటే మధురమైనది
నాలోని నీకై పలికే స్వరంలో..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి