గాంధీ పుట్టిన దేశమా ఇది...!!

ఆచార సంప్రదాయాలకు
ఉపనిషద్వేదాలకు నిలయమైన
భరతావని కన్న ఆణిముత్యం గాంధీ

అర్ధరాత్రి స్వతంత్రాన్ని స్వాగతించి
స్వరాజ్యపు బావుటానెగురవేసి
అహింసాయుధాన్ని పరిచయం చేసిన ప్రథముడు

అరాచకాలకు అక్రమాలకు ఆలవాలమైన
ఈనాటి భారతంలో మహాత్ముడు మళ్ళి పుడితే
అభాసుపాలౌతాడేమో జాతిపిత

సస్యశ్యామల సుందర స్వతంత్ర భారతాన్ని
కలలుగన్న శాంతి సుధాముడు నివ్వెరపడి నొచ్చుకుంటాడేమో
ప్రగతి పథంలో దూసుకెళుతున్న స్వరాజ్యాన్ని..!!