మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
వెలితి నిండుకుంది
మది అంతటా
శూన్యాన్ని చుట్టేయాలన్న
తాపత్రయంలో పడి
అక్కరకు రాని
అనుబంధాలు వెక్కిరిస్తూ
ఎడారి తాయిలాన్ని
ఎడదకు పంచుతున్నాయి
కలలు ఆవిరై
కన్నీరింకిన కంటి చెలమ
జ్ఞాపకాల ఊటకై
గతాన్ని తవ్వుతోంది
ఎదురైన వాస్తవం
ఏకాకిగా ఎదురుతెన్నులు చూస్తూ
రాలిపోతున్న జీవితాలకు
మిగిలిన ఏకైక సాక్ష్యమైంది....!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
1 మీరేమనుకుంటున్నారో.....చెప్పేయండి:
dear sir very good blog and very good comments
Latest Telugu News
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి