దేవులాట....!!

ఎక్కడెక్కడో రాలిపోయిన
చుక్కల లెక్కల కోసం
వెదుకులాట మెుదలైనట్టుందిగా

పేగుబంధాన్ని తెంపుకున్న
బిడ్డలకు అనుబంధాన్ని
మర్చిపోవడమెా లెక్క కాదనుకుంటా

అమ్మ విసిరిపారేయని
పసితనం మనదైనప్పుడు
ఆ తల్లి బాల్యాన్ని అసహ్యించుకోగలమా

ఆస్థులు పంచలేదని
ఆప్యాయతానురాగాలను
నడి బజారులో నగ్నంగా వదిలేయడమేనా

అంతిమం క్షణాల
పోరాటపు ఆరాటాన్ని
ప్రేక్షకపాత్రలోనుండి చూడటం సబబేనా

ఆదరించి అక్కున చేర్చుకునే
సహృదయం మనకివ్వని
దేవునిదే ఈ నేరమనుకుంటా..!!