మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
తీరికగా ఉన్నామని
తీర్పులిచ్చేస్తుంటే ఎలా
మన జీవితమే మనది కాదని
తెలుసుకోవాలి కదా
తప్పొప్పుల తక్కెడలో
తూకాలు సరి చేయడానికి
తూసేవాడు మన చుట్టం కాదని
మరిచిపోతే కష్టమే
అన్యాపదేశంగా ఉపన్యాసాలివ్వడం
కాదు మనం చేయాల్సింది
గాయపడిన హృదయానికి
లేపనాలు పూయనక్కర్లేదు
ఒకరి గమనం నిర్దేశించడానికి
మనకున్న అర్హత ఏమిటన్నది
తెలుసుకున్న రోజు
ఎవరి గమ్యానికి ఆటంకం కాలేము
చావుపుట్టుకల సమతౌల్యం
కర్మానుసారమన్న సత్యమెరిగిన నాడు
లోకానికి నచ్చని
యదార్థవాదిగా మిగిలిపోతాం..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి