కొన్ని పరిచయాలింతే_చిత్రంగా చేరికవుతూ..!!
ఈ మాట ఎందుకు చెప్పానో ఇప్పుడు చెప్తా.చదివి మీరూ నిజమో కాదో చెప్పండి.
నేస్తాలు,
నాకున్న పుస్తకాలు చదివే అలవాటే, ఈరోజు ఇలా నా రాతలకు , తద్వారా మీ అందరికి నేను పరిచయమవ్వడానికి కారణం అని మీ అందరికి తెలుసు. నా రాతలు అనుకోకుండా మెుదలైనట్లే నా పుస్తకాలు కూడా అచ్చు వేయడం జరిగింది. ఇంటికి వచ్చిన ఆత్మీయులకు ఆ పుస్తకాలను ఇవ్వడమూ జరిగింది. చాలామంది అడిగితే కొరియర్, పోస్ట్ ల ద్వారా పంపడం జరిగింది గత కొన్నేళ్ళుగా. మనకు నచ్చనప్పుడు బలవంతంగా ఏదీ చేయకూడదు. అలాగే నా పుస్తకాలు తీసుకున్న కొందరు వాటిని పాత పుస్తకాల షాపులకు అమ్మేసారు. ఆ పాత పుస్తకాల షాపుల నుండి నా పుస్తకాలు మరికొందరి చేతులకు చేరి వారిని నా ఆత్మీయులుగా మార్చాయి. చెడు జరిగినా అది మన మంచికే అన్నట్టుగా.
అలా నా పుస్తకం చేరి బిడ్డగా మారిన ఓ ఆత్మీయబంధం నిన్న ఇంటికి వచ్చి తన ప్రేమను ఇలా పంచారు. ఈ అభిమానానికి ఆత్మీయతాశీస్సులు అందించడం తప్ప మరేం చేయలేను.
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి