బయట జనాలకు
ప్రపంచ బాగోగులన్నీ
పట్టించుకునే నువ్వు
దేవుడు సామి
ఇంట్లో ఈగల మోతయినా
బయట డప్పుల మోతకు
ఉబ్బితబ్బిబ్బయ్యే నువ్వు
దేవుడు సామి
మంచిలో చెడు వెదికే
పెంపకంలో పెరిగి
అనుబంధాలకు అర్థాలు మార్చేసిన నువ్వు
దేవుడు సామి
కుటుంబం రోడ్డున పడ్డా
చేతికి ఎముకలేని అపర దాన కర్ణుడని
నలుగురు పొగిడితే చాలనుకునే నువ్వు
దేవుడు సామి
బాధ్యతలు తప్పించుకుంటూ
వెధవల మాటలు నమ్మి
ఇల్లాలిని నగుబాటు చేసే నువ్వు
దేవుడు సామి
పదుగురి మెప్పు కోసం పాకులాడితే
చివరకు మిగిలేదేమిటో తెలుసుకోనప్పుడు
ఏకాకితనమే నీదని గుర్తెరగని నువ్వు
దేవుడు సామి..!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి