మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
ఏకాకి మేఘమెుకటి
ఎగిరెగిరి పడుతోంది
అహపు కళ్ళాలను
అటు ఇటు విసురుతూ
తాటాకు చప్పుళ్లకు
తల్లకిందులు కావేవి
తలవిసురు గాలులకు
తడబడిపోరెవ్వరూ
గుట్టుగా గుప్పెట్లో
దాయాలనుకోవడమంటే
అనంతాన్ని అలవోకగా
ఏలేద్దామన్న అత్యాశేగా
అందలాలెక్కామన్న
అతిశయం చూపిస్తూ
ఆంతర్యాన్ని నిద్రపుచ్చి
క్రోధపు కోరలను విసరడమే లక్ష్యం
ఎందరితో తానున్నా
ఎవరికి ఏమి కాని చుట్టరికమే
తన చుట్టూ బంధాలెన్నున్నా
అనుబంధాలతో మనలేని ఒంటరే ఎప్పుడూ..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి