మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
అడుగుల తడబాటు అర్థమౌతున్నా
ఆపలేని పయనంలో
సాయంగా వచ్చి చేరిన తాయిలాలివి
నిన్నల్లో జారిపోయిన గతాన్ని
రేపటి భవితలో అందిపుచ్చుకోవాలని
ఆశపడే మనసు తపన
కాలానికి తెలిసిన కథే అయినా
చరిత్ర పుటల్లో
ఛిద్రమైన చరితే ఇది
పోగొట్టుకున్న చోటునే
మెుదలైన దేవులాటలో
గెలవాలన్న ఆరాటం
ముగింపు వెదికే ప్రయత్నంలో
అసంపూర్ణంగా మిగిలిన
ఓ ఒంటరి కల
చాలా రోజుల తర్వాత రాసిన కవిత.అప్పుడప్పుడు కింద నుండి పైకి రాయడం అలవాటు..ఇది అలా రాసినదే..!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి