![](https://blogger.googleusercontent.com/img/b/R29vZ2xl/AVvXsEihh-KymR454nofjLKIGxTwT4xbPSoK1APnggtrm1ES9a5XUITYdNbdQXbUBMfNeAiQndjYps8L9jxfbm1oeeHZk1dJeiiJ-BDv05Vb1ydqpEVuSGXM-V3McnDifAuAH6AwYcMJau5ocfQ/s320/bapu_exclusive-12.jpg)
నిన్నటిని మరచి పోతున్నావు
నువ్వు విదిల్చిన నిన్నల్లోని
జ్ఞాపకాల్లో నన్ను ఉండమన్నావు
కాలానికి చిక్కని గాలంలో దాగిన
కలలకు అందని ఊహల్లో తోశావు
గతమే వాస్తవంగా నాకు మార్చేసి
నీ వర్తమానంలో చోటు లేదన్నావు
గాయపడిన గుండెకు సాయంగా
ఒలుకుతున్న కన్నీటి కథకి తోడైనావు
అక్షరాలకు అద్దకంగా అద్దుతున్న భావాలను
నీకు చెప్పలేని మౌన కవనాలుగా చేశావు
నే కోల్పోయిన క్షణాలన్నింటిలో నీవే ఉంటూ
ఏకాంతాన్ని జన్మలకు జతగా పరిచయించావు
కలతలకు నెలవుగా మారిన మదికి నేస్తమై
నిన్నటి నీతో ఉండి పొమ్మంటూ రేపటికి శెలవన్నావు...!!
1 మీరేమనుకుంటున్నారో.....చెప్పేయండి:
బాగుంది ...
కామెంట్ను పోస్ట్ చేయండి
తెలుగులో రాయడానికి www.lekhini.org కి వెళ్ళండి