వర్ణాలు...!!

వర్ణాలు....!!
వేవేల వర్ణాల అందాలు
వర్ణించనలవి కాని భావాలు
కులాలకు అతీతమైన కలల కావ్యాలు
మతాలకు చిక్కని మనసున్న వర్ణాలు
భాషలకందని భావనా జలపాతాలు
వసుదైక కుటుంబానికి నిర్వచనాలు
రుధిరావేశాలకు చరమ గీతాలు
కాల్పనిక జీవితానికి సందేశాలు
మారుతున్న కాలానికి నిలువుటద్దాలు
 జాత్యహంకారానికి తలవంచని విజయ కేతనాలు
ప్రపంచ శాంతికై ప్రార్ధిస్తున్న సర్వ మత సమ్మేళనాలు
కలిసిన ఈ రంగులు వేరైన ఒకే రక్త వర్ణాలు...!!