ఏక్ తారలు...!!

1. జ్ఞాపకాలు నడయాతూనే ఉన్నాయి_నీతో ఉన్న గతాన్ని మరువలేక
2. వెదురు గాయాలను ఓర్చుకున్నందుకే కదా_వేణువుగా మాధవుని చేరింది 
3. ఎండమావులని తెలియక ఆశ పడ్డా_గాయం చేసిన గతాన్ని మరచి
4. గాయాలను మరచిన గుండె_గంపెడాశతో భవితను రమ్మంది
5. గాయపడినా వేణువు గానం_శ్రావ్యంగా ఎద ఎండమావిని తడి చేసింది
6. గాంధర్వానికి గొంతెండి పోయింది_గతంలో ఎండమావులను తలపోస్తూ
7. వెలసిన రంగుల్లో బతుకు_ఎడారిలో ఎండమావై
8. రంగుల కలగానే మిగిలిపోయింది_మనసు గాయాలను మాన్పలేక
9. గతాన్ని మరచినా_గాయపు ఆనవాళ్ళు మిగిలే ఉన్నాయి
10. లేపనాలేన్ని పూసినా_గాయం జ్ఞాపకంగా ఉండి పోయింది కాలంతో పాటుగా