ఎందుకో తెలియదు.....??

నువ్వంటే ఇష్టం...ఎందుకో తెలియదు
మరి నేనంటే నీకిష్టమో కాదో...!!
మన మధ్య మాటల్లేవు, కబుర్లు లేవు
ఊసులు చెప్పుకున్న దాఖలాలు లేవు
ఊహలు పంచుకున్న రోజులూ లేవు
కలిసి తిరిగిన చోటూ లేదు, చేసుకున్న బాసలూ లేవు
కలిసి ఉండాలన్నంత అనుబంధమూ లేదు
అలా అని కలవలేనంత దూరమూ లేదు
విడిపోలేనంత ఆపేక్షలు లేవు విడదీయరాని బంధమూ లేదు
వదిలి పోయేంత శత్రుత్వము లేదు
చూడకుండా ఉండలేనంత సాన్నిహిత్యము లేదు
చూడాలన్నంత దగ్గరతనమూ లేదు...మన మధ్య
అయినా నువ్వంటే ఇష్టం... మరి నీకు??