అమ్మంటే...అమ్మే ,,,!!

బతుకునిచ్చి బాసటగా నిలిచి
బాంధవ్యాలు తెలిపి బంధాలకర్దాలు చెప్పి
ఆత్మీయతను అందించి ఆనందాలను పంచి
మమతానురాగాలతో మానవీయతను నేర్పి
ఉగ్గుపాలతో ఊసుల ఊరడింపులందించి
విద్యాబుద్దుల వివేకాలు వివరించి
అందరాని చందమామలో
అద్భుత ప్రపంచాన్ని చూపించి
అడ్డాలనాటి బిడ్డలు గడ్డాలనాడు అడ్డం తిరిగినా
ఓరిమికి మారుపేరుగా మారి
ఓటమినెరుగని సాయుధురాలిగా
నిరంతర జీవన పోరాటంలో నిత్య సిపాయిగా
యుద్ధభూమిని సైతం ప్రేమ రాజ్యంగా
తీర్చిదిద్దే సహనమూర్తి అమ్మ
జ్ఞాపకంగా వదిలేద్దామనుకుంటే
జీవితమే తానైన మాతృమూర్తి...!!