మౌనం గానే ఎదగమని మొక్క నీకు చెపుతుంది ఎదిగిన కొద్ది ఒదగమని అర్ధమందులో ఉంది.............. అపజయాలు కలిగినచోటే గెలుపు పిలుపు వినిపిస్తుంది ఆకులన్నీ రాలినచోటే కొత్తచిగురు కనిపిస్తుంది
అనుబంధాలను అల్లరిపాలు చేసి
ఆత్మీయతను అణగదొక్కేస్తూ
అడ్డదిడ్డపు అడుగుల ఆసరాతో
అహంకారంతో బతికేస్తూ
కోరివచ్చిన బంధాలను
కాలరాయడానికి ప్రయత్నిస్తూ
కన్నబిడ్డల కన్నీళ్ళకు కారణమౌతూ
రక్త సంబంధాల రాతలు చెరిపేస్తూ
రాజకీయపు రాక్షసక్రీడను
వేలిముద్రల భాగోతాన్ని
ముసుగు వేసుకున్న మృగత్వాన్ని
నయవంచనల నటనత్వాన్ని దాచేస్తూ
ఘరానాగా బతికేస్తున్నామన్న
భ్రమలో పడిన ఊసరవెల్లుల
వంకరబుద్దిని బయటపెట్టే రోజు
ఎంత దూరమెా తెలియకుంది...!!
మౌనంగా వుంటే ఎన్నో ఆలోచనలు వస్తాయి అందరికి....నాకు నా ఆలోచనలను అందరితో పంచుకోవాలని అనిపించి ఇది మొదలు పెట్టాను....మీ సలహాలు సూచనలు నాకందిస్తారని అనుకుంటూ....
చిన్నప్పటి నుంచి ఏదో చేయాలని వుండేది, అది కవితైనా, కధైనా వ్యాసమైనా, జీవితమైనా ఏదో ఒకటి... కనీసం ఒక్కరికి మనం మంచి చేయగలిగితే చాలు అనిపించేది. అమెరికాలో వున్నప్పుడు రోజు న్యూస్ పేపర్స్ లో అప్పుడే పుట్టిన పిల్లలని వదిలేసిన లేదా చంపేసిన సంఘటనలు ఎన్నో చదివి చాలా బాధ అనిపించేది....అలాంటి మానసిక సంఘర్షణల కి ఎన్నిటికో... ఒక రూపం నేను మొదలు పెట్టిన "URLC ట్రస్ట్"...ముందు ముందు మీ అందరి సహకారాన్ని సహాయాన్ని ఆశిస్తూ....నాలో వున్న నన్ను మీ ముందు ఉంచే ఈ చిరు యత్నమే.......
Template by:
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి