14, అక్టోబర్ 2017, శనివారం

ద్విపదలు...!!

1.  ధ్యాసంతా నీపైనే
ధ్యానానికి తావీయక...!!
2.  మనసు చెమ్మ
మదిని తాకింది....!!
3.  నాకెప్పుడూ నీ ధ్యాసే
మరలనీయని మనసు కళ్ళెంతో...!!
4.  భావనలన్నీ నీతోనే జత
మన బాంధవ్యానికి పోటిగా ...!!
5.   ఇలలో నిలిచి పోతుందిలే
మరుజన్మకు మళ్ళీ జతకడుతూ...!!
6.  కలతలెన్ని ఎదురైనా
కలవర పడదులే మన చెలిమి....!!
7.  కన్నీరింకి పోయింది
వేకువ వెన్నెల వెంట రాలేదని...!!
8.  రాటుదేలింది మనసు
మనిషి కర్కశత్వాన్ని కళ్లారా చూసాక....!!
9. రెప్పపాటు జీవితానికి
రెప్పపడనీయని అనుభవాలెన్నో...!!
10.  ఊరడింపుల తాయిలాలే
మరపులో ముంచేస్తూ...!!
11.   నిలిచిపోయిన స్వప్నం వెనుక
నిదుర లేని రాతిరులెన్నో..!!
12.  వేకువలన్నీ విశేషాలే
నిదురపోయిన రాతిరి కలల కబుర్లతో..!!
13.  వేకువ పిలిచింది
రాతిరి కలలు నిజం చేయమని..!!
14.   వర్ణాలన్నీ నీతోనే తిష్టేశాయి
చీకటికి సైతం వెలుగులద్దుతూ...!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner