బెర్ముడా ట్రయాంగిల్..!!

ఓ అంతు తెలియని
అగాధంలో పడిపోతున్నాయి
ఎన్నో ప్రాణాలు ఉసూరుమంటూ
ఆకర్షణో క్షణికావేశమెా
తెలియని స్థితిలో నలుగుతూ
బెర్ముడా ట్రయాంగిల్ లక్షణాల
నరునికి చిక్కిన జీవితాల
హాహాకారాలు రొద పెడుతుంటే
ఆ రోదనల స్వరాల ఆక్రందనలు
విననివ్వని సాగర ఘోషలో
కలిసిపోయిన శకలాలు
మెాసపోయిన నమ్మకానికి
అమ్ముడుబోయిన సాక్ష్యాలు
కోకొల్లలుగా కనుల ముందు నిలిస్తే
నాకెందుకని న్యాయం నిదురబోతోంది
గెలిచానని మృగం గర్వంగా
మరోసారి జూలు విదిలిస్తూ
మళ్ళీ వేటకు బయలుదేరింది...!!