మానవత్వమా....!! సమానత్వమా .....!!

ఎందుకీ కులాల కుమ్ములాటలు....??
మతాల మారణహొమాలు....??
కులం కూడు బెట్టునా...??
మతం మరణమాపునా....??

ఎందుకీ వర్గ పోరాటాలు...??
కుల మత విభేదాలు....??
మానవత్వం కోసమా....??
సమానత్వం కోసమా....??

నేను గొప్ప...!!
నా సామాజిక వర్గం గొప్పంటూ...
మాటలు  కోటలు దాటిస్తూ
ఒళ్ళు విరుచుకు తిరిగే వారే కాని....
మానవత్వం చిరునామా తెలియని వారే ఎక్కువ....!!
ఇక  సమానత్వమెక్కడ....?? సమతెక్కడ...??

వసుదైక కుటుంబానికర్ధాలు మార్చి
రాజకీయపు రాక్షస క్రీడలు
విషపు కోరలు చాస్తూ ఉంటే....
హాలాహలాన్నే అమృతమని నమ్ముతూ
కుల మతాల కుమ్ములాటల్లో
అశువులు బాస్తున్న అమాయకులెందరో....!!

వద్దు వద్దు వర్గ వర్న విభేదాలు
విభజన పోరాటాలు...
ఎన్నో సంసృతుల కలబోత....

సమతల మమతల నెలవైన భరతావని
సర్వమత సమ్మేళనం...!!
సకల  జనుల సన్నిహితం...!!
అందరిది ఒకటే మతం ఒకటే జాతి
అదే అదే మానవత్వం....!!
అదే అదే భరతజాతి....!!