ఊహలు అల్లుకున్నా నీ చుట్టూ....
చెదిరిన జ్ఞాపకాల గూడుని పేర్చుకుంటూ
పగడాల పొదరింటిని సృష్టించా నీ కోసం...
ఆశలు హార్మ్యాలు ఊహల సౌధాలు
కష్టాల కన్నీళ్ళ బతుకు బాటను నీ ముందుంచా...
పాశాన్ని పంచుకున్నా పేగు తెంచుకున్నా
మమకారాన్ని తెలిపే మధుర బంధం మనది...
ఒంటరి తనానికి తోడైన ఆలంబన నీ రాక
భాష లేని భావాన్ని పంచుకున్న గొప్ప మనసు నీది...
చెప్పని మౌనాన్ని స్పర్శలో అందుకున్న అనుబంధం
మాటల కందని మనసుల అలజడి
అందుకున్న అనురాగపు నుడికారం
నాలో ప్రాణం పోసుకున్న నీ రూపం నాకపురూపం...!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి