13, జనవరి 2014, సోమవారం

ఏమిటో ఈ బంధం...!!

నాతో నీకు స్నేహం ఎందుకో....!!
నాకంటూ ఎవరు లేరని
నా  ఒంటరి తనానికి తోడుగా
నా ఏకాంతానికి సహవాసంగా
నీ చెలిమిని పంచుకోనా...!!
ఎవరికి వద్దని విసిరి వేసినా
మాటల ముళ్ళు గుచ్చుతున్నా
గాయపడిన మదిని ఓదార్చే
జ్ఞాపకాల ఒరవడిలో సేద దీరే గతాన్ని..!!
నిశిధి వెలుగులో కనిపించే క్షణాలు
నిజాలు కాని వాస్తవాలుగా మిగిలాయి
వాడిన పూల పరిమళాలు ఇంకా వస్తూనే
నాతో నువ్వు లేని నా కాలాన్ని నాకు జ్ఞప్తికి తెస్తూ
చెలిమి శీతలాన్ని గ్రీష్మ తాపంగా చేసి
చోద్యం చూస్తూ ఎలా నవ్వుతోందో...!!
అక్కరకు రాని ఆత్మాభిమానం
నన్ను వదలకుండా చుట్టుకుంటే
అర్ధంలేని అహం నీ అలంకారంగా ఉంటే
జత కుదరని బంధంగా మిగిలి పోతుంటే
విడలేని పాశం ఈ అనుబంధమేమో..!!

2 మీరేమనుకుంటున్నారో.....చెప్పేయండి:

Karthik చెప్పారు...

Manju gaaru, very nice:-):-)

చెప్పాలంటే...... చెప్పారు...

Thank u so much andi

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner