మంచు కురిసే వేళ.... !!

మంచు కురిసే వేళ మనసు మురిసి
మౌనరాగాలు అలఓకగా ఎద పలుకగా
విరిసిన మంచు ముత్యాల పూలతేరుల
విరి పానుపు పాల సంద్రాన్ని మరిపించగా
శరత్తు సంతకాలు చేసిన చామంతుల సందడికి 
హేమతంలో అడుగిడిన ముద్ద బంతులు ముచ్చట్లు చెప్తూ
శీతలానికి చేరువగా చేరికైన చెలి వయ్యారాలు
హిమాపాతంలో గ్రీష్మ తాపాన్ని మదిలో రేకెత్తించగా
తెలి మంచులో తేలియాడిన సంకురాతిరి సంబరాలు
హేమంతపు అలసటలో మునిగి శిశిరానికి చోటిస్తూ
వసంతంలో మొగ్గలేసే మల్లెల గుభాళింపులో మైమరచి
రాలుతున్న జ్ఞాపకాలను దాటి కొత్త చివురులేసే
ఆనందాలకు స్వాగతాలు పలుకుతూ
మురుస్తోంది ఈ మంచు కురిసే వేళ.... !!