మండే సూరీడు....!!

అగ్ని శిఖల సెగల ఆహార్యాన్ని

కాలుతున్న జీవితాల ప్రతి రూపాల్ని
మండుతున్న మనసు మంటలను
నిలువునా తనలో దాచుకున్న
నిప్పుల కుంపటి వేసవి మిట్ట మధ్యాన్నపు సూరీడు
తొలిసందెలో  ప్రత్యూషపు అందాలు చిమ్ముతూ
నడిపొద్దుకి రోషారుణిమను దాల్చి
మలి సందెకి సింధూరాన్ని మేలి ముసుగును చేసుకునే
అరుణ వర్ణాల అందని ఈ రేడు ఆకశానికే ఆభరణం
జగతికే వెలుగులు పంచే దేదీప్య రవి కిరణం
దిగంతాల జగజ్జేత మండుతున్న సూరీడయ్య ....!!