సందిగ్ధం....!!

ఎటూ తేలని న్యాయం ఎదురు చూస్తోంది
సందిగ్ధానికి ఎలా తెర తీయాలా అని.... 
దాటిపోయిన కాలంలో కాలిపోయిన గతాన్ని
గాలివాటుకి వదలివేసి వాస్తవాల రూపానికి
వేసిన వెలిసిన రంగుల్లో వెలాతెలాబోయిన
సత్యానికి చేదోడు వాదోడు కాలేక నిలిచిపోయిన
సాక్ష్యంగా మిగిలిన అరకొర జీవితాన్ని
మాసిన అద్దంలో కనిపిస్తున్న అసలు నిజాలను 
భరించలేని నైజాల నిజ స్వరూపాన్ని
దిగిలు దుప్పటిలో దాచేస్తూ
ఇంకిన కన్నీటికి అర్ధాలను చెప్పలేక
మండుతున్న మమతల కొలిమి తాకిడికి
మసిబారుతున్న వెన్నెలగా నిలిచి
చిరునవ్వు చిత్రానికి అలంకారమై చేరి
జీవం లేని వర్ణ చిత్రంగా మిగిలింది....!!