​ఏ తనమిది?

ఆత్మీయులమంటారు

చుక్కయినా తాగలేని

అమృతమొలికిస్తారు

గుండె నిండా ప్రేముందంటారు

గుప్పెడు మెతుకులు పెట్టలేని

నిస్సహాయులమంటారు

కనుచూపు మేరంతా

చలువరాళ్ళ దారి వేయించామంటారు

బొబ్బలెక్కిన పాదాలు చూడరు

తేనీటి విందుతో 

స్వాగతాలు పలుకుతామంటారు

గుక్కెడు తాగునీరివ్వలేరు

పంచభక్ష్య భోజనాలు

సిద్దం చేయించామంటారు

వడ్డించే విస్తరే లేదంటారు

తెలివితేటల్లేని 

తెల్లకాగితాలమంటారు

చురకల పదాలతో పచ్చబొట్టులేస్తారు

దాపరికాలు తెలియని తనమంటూ

దాటేయడంలో నేర్పరులు

దాడి చేయడంలో సిద్దహస్తులు వీరు

మాటల గారడిలో ముంచుతారు

పొగడ్తల మాయలో పడేసి

ప్రపంచానికి పిచ్చివారుగా మనల్ని పరిచయం చేస్తారు

ఎవరిదే తనమయినా

తన మనసుకు తెలుసు

ఏ మనిషిదే తనమో..!!