18, ఆగస్టు 2022, గురువారం

సంకల్పం..!!

ఏడవకండేడవకండి

కష్టాలు కన్నీళ్లు 

నాకింకా మిగిలే వున్నాయ్


ఇంటా బయటా

ప్రపంచంలో ఎక్కడయినా

మార్పు లేని మెుండి బతుకే ఎప్పుడూ


పోయిన చోటే వెదుక్కుందామన్నా

పోగొట్టుకున్న కాలాన్ని

వెనక్కి తేలేని చేతగానితనమే నాది


కాలం వెంబడి కలాన్ని 

పరుగులు పెట్టించింది

నలుగురికి మంచి చెడు తెలియాలనే


మనసు గోడు వెళబోయలేక

మాటను మౌనంగా మార్చుకున్నా 

ఆక్షపణలే అన్నింటా


ఎగసిపడే కెరటాలను 

ఆపే ప్రయత్నం చేస్తే

తీరాన్ని చేరాలన్న సంకల్పాన్ని అడ్డుకోలేము..!!

0 మీరేమనుకుంటున్నారో.....చెప్పేయండి:

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner