13, అక్టోబర్ 2013, ఆదివారం

విజయదశమి శుభాకాంక్షలు....!!

చిన్నప్పుడు దసరా అంటే అమ్మ పెట్టించిన బొమ్మల కొలువులు...అందరిని పిలిచి చూపించిన జ్ఞాపకాలు...బొమ్మలు అమ్మ అందంగా అమరిస్తే చూసుకుని మురిసి పోవడం...దసరా శెలవల్లో చిన్ననాటి నేస్తాలతో ఆడుకున్న ఆటలు...చేసిన హంగామాలు ఇలా చెప్పుకుంటూ పొతే బోలెడు జ్ఞాపకాల గురుతుల సందడులు....ఊరంతా మన చుట్టాలే అన్నట్టు అందరి పలకరింపులు...  వేళాకోలాల హాస్యపు జల్లులు...మధ్యలో హడావిడిగా నేను ఉన్నా అంటూ పలకరించే వర్షాల హర్షాలు ఓ వైపు ... పచ్చని పొలాల అందాలు మరో వైపు...బురదలో కూడా పడి లేచిన ఆ జ్ఞాపకాలు...పిండి వంటల ఘుమఘుమలు....గుళ్ళో బోలెడు ప్రసాదాలు...ఆ తొమ్మిది రోజులు ... ఎంత బావుండేవి ఆ రోజులు...!!
ప్రకృతికి కూడా మన మీద కోపం వచ్చి ప్రళయ తాండవాన్ని...విలయ విధ్వంసాన్ని సృష్టించింది ఇప్పుడు...ఎంతో మంది ఏ దారి తోచక బిక్కు బిక్కు మంటూ ఉంటే...కొందరేమో విష జ్వరాల కోరల్లో చిక్కుకుని కొట్టుకుంటూ ఉంటే...బతుకమ్మల కోలాహలం సందడి తెలంగాణా ప్రాంతపు ఆనందహేల...సమైక్యమంటూ ఉద్యమాల పోరు సీమాంధ్రలో.... విరుచుకు పడిన ఫైలిన్ పడగ ఉత్తరాంధ్రలో... ఓ కంట కన్నీరు.. ఓ కంట పన్నీరు అన్నట్టు ఈ విజయదశమి....సంతోషమయినా బాధ అయినా పండుగ పండుగే కాబట్టి అందరు బావుండాలని....అందరికి అన్ని శుభాలు కలగాలని...కోరుకుంటూ అందరికి విజయదశమి శుభాకాంక్షలు 

2 మీరేమనుకుంటున్నారో.....చెప్పేయండి:

అజ్ఞాత చెప్పారు...

Wish u all a happy dasara!!
Ee saari dasara sarada lekundaa poyindi...

చెప్పాలంటే...... చెప్పారు...

nijame andi

Related Posts Plugin for WordPress, Blogger...
 

కబుర్లు కాకరకాయలు © 2008. Template Design By: SkinCorner