నీలోనే ఉండిపోయిన.....!!

జన్మ జన్మల జత కలిసిన తరుణం
యుగాల ఊసులు అన్ని ఒక్క రోజులో
క్షణాల కాలం తరగని సమయంలా
నీ ప్రేమ వెల్లువ పరవళ్ళ గోదారిలా....!!

చెప్పని కబురుల చిలక పలుకులు
అంతలోనే అలిగిన అలకల ఉలుకులు
నీటి మీద రాతలైన కోపాలు తాపాలు
మౌన మందారాలే మనసు బంధాలు మన మధ్య...!!

పెదవి దాటని ప్రణయం ప్రేమ కావ్యమైన
మధురాక్షరాల శిశిర వసంతం నులి వెచ్చగా
నీ ఆలంబనలో అందిన ఆనందం
స్నేహానికి...చెప్పనలవి కాని ఇష్టానికి తార్కాణం...!!

చెదరని శిలాక్షరానికి చలనం ఉందని
శిధిలాల్లో కూడా జీవం పోసుకుంటుందని
చెక్కు చెదరని జ్ఞాపకంగా నీలో నిలిచి పోతుందని
ఊహకైనా అందని నీ ప్రేమతో నిరూపించావు...!!