నేస్తం,
రాంకులు, మార్కులంటూ.. ఐఐటిలు, ఎన్ఐటిలంటూ మనమే పెంచి పోషిస్తున్న కార్పొరేట్ విద్యా సంస్థలు అహంకారంతో నైతిక విలువలు లేకుండా చేస్తున్న అకృత్యాలు చూస్తూ కూడ పిల్లలను ఆ స్కూల్ మాన్పించలేని దుస్థితి మనదైనందుకు సిగ్గు పడుతున్నాను. 9 వ తరగతి వరకు ఆ స్కూల్ లో చదువుకున్న పిల్లలను స్కూల్ వారి పర్సెంటేజ్, పేరు కోసం పిల్లలపై సవాలక్ష తప్పులు రుద్ది వాళ్ళను బయటకు పంపేయడం ఎంత వరకు సమంజసం...?
నియమాలు, నీతులు పిల్లల వరకు పరిమితం చేస్తూ తను మాత్రం సమయ పాలన పాటించని పిన్స్ పాల్, ప్రతిదానికి పిల్లలపై శాడిజం చూపుతున్న క్లాస్ టీచర్స్ చాలామంది ఈ కార్పొరేట్ స్కూల్స్ లో ఉన్నారు. స్కూల్ అనే కాదు కాలేజ్ లలో కూడ ఇదే పరిస్ధితి కనిపిస్తోంది. బాగా చదువుకున్న విద్యార్ధినికీ తప్పని లెక్చరర్ల హెరాస్మెంట్. ఫస్టియర్ కాలేజ్ సెకండ్ వచ్చి కూడ చదువు మానేసిందంటే తప్పు ఎవరిది. అధికారం అండదండలున్న కార్పొరేట్, ప్రైవేట్ వ్యవస్థలు నైతిక విలువలు మర్చిపోయి ప్రవర్తిస్తున్నారనడానికి ఇంతకన్నా సాక్ష్యాలు అవసరం లేదనుకుంటా. ఈ విషపు నైజాలను మనమే పెంచి పోషిస్తున్నాం. మనం మారేదెన్నడో.. మరి ఈ వ్యవస్థ మారేదెన్నడో...!!
0 మీరేమనుకుంటున్నారో.....చెప్పేయండి:
కామెంట్‌ను పోస్ట్ చేయండి
తెలుగులో రాయడానికి www.lekhini.org కి వెళ్ళండి